«Энергоинформ» АҚ Басқарма төрағасының Қарағанды филиалына жұмыс сапары
Бүгін «Энергоинформ» АҚ Басқарма төрағасы Еділ Құдайбергенұлы Көпенов Қарағанды филиалына жұмыс сапарымен барды. Сапар барысында филиал ұжымымен кездесу өткізіліп, өндірістік мәселелер, стратегиялық даму бағыттары және алдағы кезеңге арналған жоспарлар талқыланды.
Кеңес барысында филиал жұмысының тиімділігін арттыру, өндірістік процестерді цифрландыру және бөлімшелер арасындағы өзара іс-қимылды жетілдіру мәселелеріне ерекше назар аударылды. Басқарма төрағасы Қарағанды филиалының компания құрылымындағы маңызды орнын атап өтіп, өңірдің энергетикалық инфрақұрылымының сенімді жұмысын қамтамасыз етудегі ұжымның үлесін жоғары бағалады.
.jpeg)
Сондай-ақ Еділ Құдайбергенұлы Халықаралық қарттар күніне орай еңбек ардагерлерін мерекемен құттықтап, олардың ұзақ жылдар бойы атқарған еңбегі мен энергетика саласын дамытуға қосқан зор үлесі үшін алғыс білдірді. Ол аға буынның тәжірибесі мен кәсіби білімі бүгінгі жас мамандардың қалыптасуы мен жетістігінің берік негізі екенін атап өтті.
Компанияның 15 жылдық мерейтойына орай Қарағанды филиалының бірқатар қызметкерлері жоғары кәсіби шеберлігі, жауапкершілігі және компания дамуына қосқан үлесі үшін Құрмет грамоталары және Алғыс хаттармен марапатталды.
Филиал директоры Александр Александрович Котов Басқарма төрағасын диспетчерлік қызметтің жұмысымен таныстырып, бөлімдердің өндірістік процестерін көрсетті. Еділ Құдайбергенұлы ұжымның ұйымшылдығын, жоғары кәсібилігін және техникалық дайындық деңгейін атап өтті.
.jpeg)
Кездесу соңында Басқарма төрағасы филиал қызметкерлеріне адал еңбектері үшін ризашылығын білдіріп, алдағы уақытта табыс, кәсіби жетістіктер және тұрақты даму тіледі. Ол өңірлік филиалдардың дамуы «Энергоинформ» АҚ қызметінің стратегиялық басым бағыттарының бірі екенін және әрбір қызметкердің еңбегі компанияның жалпы жетістігіне үлес қосатынын ерекше атап өтті.
