Z00T2D0, Қазақстан, Астана қ., Тәуелсіздік даңғ., 59
- (Бизнес-байланыс)

18 наурыз – Ұлттық киім күні: «Энергоинформ АҚ» компаниясында ерекше сән сайысы өтті

18.03.2025
18 наурыз – Ұлттық киім күні: «Энергоинформ АҚ» компаниясында ерекше сән сайысы өтті

18 наурыз – Ұлттық киім күні: «Энергоинформ АҚ» компаниясында ерекше сән сайысы өтті

Бүгін, 18 наурыз, елімізде Ұлыстың ұлы күніне арналған «Наурызнама – 2025» мерекелік іс-шаралары аясында Ұлттық киім күні аталып өтті. Осы орайда «Энергоинформ АҚ» компаниясында ерекше байқау ұйымдастырылып, қызметкерлер қазақтың дәстүрлі киімдерін киіп, ұлттық мәдениетті дәріптеді.

Сайысқа қатысушылар тек әдемі киімдерімен ғана емес, олардың тарихымен де таныстырып, көрермендерді тәнті етті. Ерлер шапан мен тақия киіп келсе, әйелдер жағы әсем камзолдар, көз тартар сәукеле мен ою-өрнекті көйлектермен сахнаға шықты. Ұлттық нақыштағы киімдер тек әдемілігімен ғана емес, өзіне тән мағынасы мен тарихымен ерекшеленді.

Шара барысында қазақтың дәстүрлі қолөнері мен киім үлгілеріне арналған шағын көрме де ұйымдастырылды. Ұлттық киімдерді дәріптеуге бағытталған бұл бастама әріптестер арасында зор қызығушылық тудырып, жылы қабылданды.

«Бұл шара ұлттық мәдениетімізді насихаттауға және әрбір азаматтың өз тарихына, тамырына құрметпен қарауына ықпал етеді. Ұлттық киім – біздің рухани құндылығымыздың бір бөлігі. Сондықтан мұндай шаралар жыл сайын дәстүрлі түрде ұйымдастырылса, құба-құп», – деді компания қызметкері, байқауға қатысушы Малика Бердеш.

Іс-шара соңында ұлттық киімдерді ең әдемі әрі жарасымды түрде ұсынған қатысушылар марапатталып, үздіктер арнайы сыйлықтармен мадақталды. Ұлттық киім күніне арналған бұл сайыс мерекелік көңіл-күй сыйлап қана қоймай, қазақ мәдениетіне деген құрметті арттыра түсті.