«Қазақ тілі - менің тілім» байқауы
2024 жылдың 12 желтоқсанында Қазақстан Республикасының Тәуелсіздік күніне орай «KEGOC» АҚ «Солтүстік ЖЭТ» филиалы мен «Энергоинформ» АҚ Солтүстік филиалы қызметкерлері арасында «Қазақ тілі – менің тілім» байқауы өтті.
Байқауға 19 қызметкер қатысып, қазақ тілі, мәдениеті және салт-дәстүрлері туралы білімдерін көрсетті. Қатысушылар өлең оқып, ән шырқады.
«KEGOC» АҚ «Солтүстік ЖЭТ» филиалының өкілдерінен құралған қазылар алқасы барлық қатысушылардың өнер көрсетуін жоғары бағалады және олардың қазақ тілін меңгеруінің жоғары деңгейін атап өтті.
Байқау қорытындысы бойынша бірінші орынды бөлісті:
* Келдібаева Несіпжамал Тұрсынқызы, «Энергоинформ» АҚ Солтүстік филиалының технигі
* Амантаев Әлихан Қанатұлы «KEGOC» АҚ «Солтүстік ЖЭТ» филиалының АДО диспетчері
Екінші орынды Қайыртай Таңат Жанатұлы, ОңАЭЖ 4-разрядты ТҚ жабдықтарын жөндеу жөніндегі электрослесарі («KEGOC» АҚ «Солтүстік ЖЭТ») иеленді.
Үшінші орынды бөлісті:
* Бағдат Алпыс Серікұлы, МжәнеӨЖҚ технигі («KEGOC» АҚ «Солтүстік ЖЭТ»)
* Каирова Лаура Айтбайқызы, ҚСҚ инженері («KEGOC» АҚ «Солтүстік ЖЭТ»)
* Ткачев Виталий Анатольевич, ЕҚ және ӨҚҚ жетекші инженері («KEGOC» АҚ «Солтүстік ЖЭТ»)
Байқау жеңімпаздары мен қатысушылары дипломдармен, бағалы сыйлықтармен және сертификаттармен марапатталды.
«Қазақ тілі – менің тілім» байқауы «KEGOC» АҚ «Солтүстік ЖЭТ» филиалы мен «Энергоинформ» АҚ Солтүстік филиалы қызметкерлері үшін қазақ тілі туралы білімдерін көрсетуге және әртүрлі ұлт әріптестері арасындағы байланысты нығайтуға тамаша мүмкіндік болды.
